Тамандиуб улалъа
Иравадли датуръа
Хъабалех!ед наб варъа
Лугасну х!ад ца абъа

*****
Бигулриго наб Ялта
Дик!арбарира Мальта
Тид бик!ор итед хъалта
Дахъ тамашала - салта

*****

Вак!ира ну карагьа
Г!яби наб суни лугьа
Рахли бурали багьа
Бирар къакълизи диргьа

*****

Бура , рурси , х!ад багьа
Бирих!а нугьиб угьа
Далдикалли улибгьа
Х!иркадирух!а нугьа

*****

Пярталикиб чернилца
Дарсликир ученица
Вайна учительница
Кабалта единица

****

Х!амх!ала ваг! аркьялри
Х!амх!аликив мурдали
Х!амх!а г!ъач!и бик!улри
А сай далай ик!улри

*****

Сунизид к!ел октава
Зярбик!ухъули гьава
Даргола Пугачева
Салих!ят Омарова

*****

Х!ябал октавала ваг!
Ва дила Х!амх!ала Ваг!
Иваби Урчила Ваг!
Сари рат х!ала хъа раг!

*****

Байтарман иш пачаликъ
Агарил ч!умалил някъ -
Билт!ис х!якимла къуйрукъ
Битаръи улка - шадликъ

*****

ЦIумбикIор мякьлеб кацIа
Рахли адалколли цIа
Хъямбирис нуни кьямцIа
БуцIарбирулра кIабцIа

*****

Дигахъисра наб тIутIи
Давлала мягIдам - утIи
Арц атхIадурхан лутIи
Алавбиръи "жугьутIи"

*****

ХIуни макьам сабука 
Зайбухъи,балалайка
Хъумартисли базука
ВакIилину гъармука

*****

Асили хулал кIатIа
Укъар...Вамсули калтIа
Лямхъиу пуркла кIолтIа
Умцу буркъибил чIалтIа

*****

Лавкьян аллагьла асхIяб
ИкIор :- "ХIядурбара хIяб,
ХIала гIямрула зурхIяб
Марли таманни кабхIяб ".

*****

Сен дирар вара дяхI хьанцI ?
Бургар гIяйибла бецI хьанцI  !
Арцур урухкIули цIерцI
Духъун бецIла хIулби лямцI

*****

ХIала дахъ къугъати хатI
XIяйран бирули саб кьотI
Гъайлис кабатади кIантI
Тамандиуб лидил кIортI

*****

Макьамчи сайри Орфей
Далайчири Батирай
ГьанкIлизив сайри Морфей
ХIясратлири Одиссей