| Меню сайта |
|
 |
| Наш опрос |
|
|
|
Главная » 2019 » Февраль » 15 » Рамазанов Багомали
|
Хулабала кьяйс
Ахъ дубура дергадра
Вава-кьарли белкъадра
Сагурби чяртдарадра
Бидавван кабизадра
Х1ела гъярц1а г1ямулти
Вайти хасиятуни
Хъям-кьац1 хъулкила х1янчи
Х1уни даим дарири.
Г1ясикардеш х1ясратдеш
Авадан хамхализир
Гьими-кьясла пикруми
Мукукунар бек1лизир
Хабарла хан унхърази
Харабдеш дак1ахъади
Т1ут1ила галгубази
Палакатдеш бег1ади
Чумилра бригадирла
Бурги х1яндиахъади
Бригадиртала хьунри
Гьимичеб биахъади
Мах1яммадшапиг1 х1уни
Вег1лизи халх1еради
Хулабала урк1илис
Г1ядабси г1янд аади
Дец1агар, х1яя агар,
Я дисциплина агар,
К1ант1алра ниъла агар,
Дярхъ агар, т1ини агар.
Х1енкьлизиб муса агар,
Сагализиб мер агар,
Абикьур х1ела бег1тас
Кепекла пайда агар
Султ1анра, Сулайбанра
Вайт1а гьимбук1ахъири
Г1усманра, Хадижатра
Х1ед душманти барири
Ражабли х1у чуйнара
Гьанк1лизиб чебаилри
Т1ут1ала къяйлизибад
Сунечи дукарк1ули
Х1ед Мух1яммадсаг1идли
Саби х1ядурбарили
Мажар мяржа дудешла
Зе-х1ярх1яли баршили
Баши х1у пашманбии
Хулабачу чарбии
Унцучи хъя баррили
Хъали-ц1ала кабии.
Мух1яммадшапиг1лизи
Г1яшли икрам барили
Х1ела пашмандеш бура
Чевверхни талаббара
Хулабази ихтибар
Бихьахъес къайгъи бара
Г1ях1си унц къача бара
Дахъал ниъ пешкешдара
Прокурорти , судьяби
Х1ег1иб къяйц1 х1ебик1ахъес
Багьахъурли пашмандеш
Х1у лебси муса бура.
08.10.1985 года
Поход вокруг Кавказа,
перегон Тбилиси-Баку
|
|
Просмотров: 311 |
Добавил: Dargon17
| Рейтинг: 0.0/0 |
|
|
| Календарь |
|
|
| Статистика |
Онлайн всего: 1 Гостей: 1 Пользователей: 0 |
|
|
